നിലമ്പൂര്‍: ഗവ. മാനവേദന്‍ ഹയര്‍ സെക്കന്‍ഡറി സ്‌കൂളില്‍ നടന്ന സംസ്ഥാന സീനിയര്‍ ആട്യ പാട്യ ചാംപ്യന്‍ഷിപ്പില്‍ സീനിയര്‍ ആണ്‍ വിഭാഗത്തിലും പെണ്‍ വിഭാഗത്തിലും കോഴിക്കോട് ജില്ല ചാംപ്യന്മാരായി.
ആണ്‍ വിഭാഗത്തില്‍ പാലക്കാട് രണ്ടാം സ്ഥാനവും മലപ്പുറവും ഇടുക്കിയും മൂന്നാം സ്ഥാനവും കരസ്ഥമാക്കി. സീനിയര്‍ പെണ്‍ വിഭാഗത്തില്‍ തൃശൂര്‍ രണ്ടാം സ്ഥാനവും എറണാകുളവും ഇടുക്കിയും മൂന്നാം സ്ഥാനവും നേടി.  സമാപന സമ്മേളനം ആര്യാടന്‍ ഷൗക്കത്ത് ഉദ്ഘാടനം ചെയ്തു.  പ്രധാനാധ്യാപകന്‍ പ്രസാദ് അധ്യക്ഷനായി. ടി.എം അബ്ദുറഹിമാന്‍, ടി.ഡി ദേവസ്യ, മഞ്ജിത്ത്, ബെസ്റ്റിന്‍ സി. മൈക്കിള്‍ സംസാരിച്ചു.