ന്യൂ ഡല്‍ഹി: ഇന്ത്യന്‍ ക്രിക്കറ്റ് താരം ഗൗതം ഗംഭീര്‍ വിരമിക്കല്‍ പ്രഖ്യാപിച്ചു. ആന്ധ്രയുമായുള്ള അടുത്ത രഞ്ജി മത്സരത്തോടെ കളി നിര്‍ത്തുമെന്നാണ് അറിയിച്ചിട്ടുള്ളത്.
ട്വിറ്ററിലൂടെയാണ് വിരമിക്കുന്ന കാര്യം ഗംഭീര്‍ അറിയിച്ചത്. 37 കാരനായ താരം ഇന്ത്യക്കായി 147 ഏകദിനങ്ങളും 58 ടെസ്റ്റുകളും 37 ടി20 യും കളിച്ചിട്ടുണ്ട്. 2003 ല്‍ ധാക്കയില്‍ ബംഗ്ലാദേശിനെതിരേയായിരുന്നു ഗംഭീറിന്റെ അരങ്ങേറ്റം. 2007 ല്‍ ടി20 ലോകകപ്പില്‍ കിരീടം നേടിയപ്പോള്‍ ഗംഭീര്‍ ടീംമംഗമായിരുന്നു. 2016ല്‍ രാജ്‌കോട്ടില്‍ ഇംഗ്ലണ്ടിനെതിരേയാണ് അവസാനമായി കളിച്ചത്.