കണ്ണൂര്‍: സംസ്ഥാന ഹജ്ജ് കമ്മിറ്റി മുഖേന ഈവര്‍ഷം ഹജ്ജിന് പോകുന്ന ഹാജിമാര്‍ക്കുള്ള മൂന്നാം ഘട്ട മാര്‍ഗ നിര്‍ദേശ ക്ലാസ് 13 മുതല്‍ 17 വരെ നടക്കും. കണ്ണൂര്‍, അഴീക്കോട് മണ്ഡലത്തിലുള്ളവര്‍ 13ന് രാവിലെ 9ന് കണ്ണൂര്‍ സിറ്റി ദീനുല്‍ ഇസ്‌ലാം സഭ ഇംഗ്ലീഷ് മീഡിയം സ്‌കൂളിലും മട്ടന്നൂര്‍, ഇരിക്കൂര്‍ പേരാവൂര്‍ മണ്ഡലത്തിലെ ഹാജിമാര്‍ ഉച്ചയ്ക്ക് 1.30ന് പാലോട്ട് പള്ളി എന്‍.ഐ.എസ് എല്‍.പി സ്‌കൂളിലും എത്തണം.  പയ്യന്നൂര്‍ മണ്ഡലത്തിലെ ഹാജിമാര്‍ 15ന് രാവിലെ 9ന് പിലാത്തറ അറബിക് കോളജിലും കല്യാശേരി മണ്ഡലത്തിലെ ഹാജിമാര്‍ ഉച്ചയ്ക്ക് 1.30ന് പുതിയങ്ങാടി ഇസ്സത്തുല്‍ ഇസ്‌ലാം മദ്‌റസയിലും എത്തണം.
കൂത്തുപറമ്പ് മണ്ഡലത്തിലെ ഹാജിമാര്‍ 16ന് രാവിലെ 9ന് പാനൂര്‍ സുമംഗലി ഓഡിറ്റോറിയത്തിലും തലശേരി, ധര്‍മ്മടം മണ്ഡലത്തിലെ ഹാജിമാര്‍ ഉച്ചയ്ക്ക് 1.30ന് തലശേരി ദാറുസ്സലാം യത്തീംഖാനയിലും തളിപ്പറമ്പ് മണ്ഡലത്തിലെ ഹാജിമാര്‍ 17ന് രാവിലെ 9ന് കേയി സാഹിബ് ട്രെയിനിങ് സ്‌കൂളിലും എത്തിച്ചേരണം.