വെഞ്ഞാറമൂട് : കക്കൂസ് മാലിന്യം ഓടയിലൂടെ ഒഴുകുന്നത് ജനത്തെ ദുരിതത്തിലാക്കുന്നു. 

തൈക്കാട് പോത്തന്‍കോട് ബൈപ്പാസില്‍ സമന്വയ നഗര്‍ ഗ്രന്ഥ ശാലയുടെ മുന്‍വശത്തുള്ള ഓടയില്‍ കൂടിയാണ് മാലിന്യം അടുത്തടുത്ത ദിവസങ്ങളില്‍ ഒഴുക്കിയത്.
ഓടയില്‍ നിന്ന് രൂക്ഷമായ ദുര്‍ഗന്ധം ഉയര്‍ന്നതിനെ തുടര്‍ന്ന് നാട്ടുകാര്‍ നടത്തിയ പരിശോധനയിലാണ് മാലിന്യം ഒഴുക്കിയതായെ കണ്ടെത്തിയത്.
രാത്രിയില്‍ തെരുവു വിളക്കുകള്‍ കത്താതും ഓടയില്‍ മൂടിയില്ലാത്തതും മുതലെടുത്ത് പുറത്ത് നിന്ന് ആരെങ്കിലും വാഹനത്തില്‍ കൊണ്ടുവന്ന് തള്ളിയതാണെന്നാണ് കരുതുന്നത്. നാട്ടുകാര്‍ വെഞ്ഞാറമൂട് പൊലിസില്‍ പരാതി നല്‍കി.