മേപ്പയ്യൂര്‍: കുടുംബ സംഗമം വ്യത്യസ്തമാക്കി മേപ്പയ്യൂര്‍ ഗവ. ഹയര്‍ സെക്കന്‍ഡറി പ്ലസ് ടു കൊമേഴ്‌സ് ബാച്ച്. നന്തി ആശാനികേതനിലെ ഭിന്നശേഷിക്കാരായ വിദ്യാര്‍ഥികള്‍ക്ക് ഒരു ദിവസത്തെ ഭക്ഷണത്തിന്റെ ചെലവും സ്‌കൂളിന് വാട്ടര്‍ പ്യൂരിഫയറിനള്ള ചെക്കും നല്‍കിയാണ് പൂര്‍വ വിദ്യാര്‍ഥികള്‍ ആഘോഷം വ്യത്യസ്തമാക്കിയത്.
നിറങ്ങള്‍ പെയ്തിറങ്ങിയ മണ്ണിലേക്ക് എന്ന പ്രമേയത്തിലായിരുന്നു സംഗമം. മേപ്പയ്യൂര്‍ ഗവ. ഹയര്‍ സെക്കന്‍ഡറി പ്രധാനാധ്യാപകന്‍ സുധാകരന്‍ ഉദ്ഘാടനം ചെയ്തു. പി.ടി.എ വൈസ് പ്രസിഡന്റ് സത്യന്‍ വിളയാട്ടൂര്‍ അധ്യക്ഷനായി. മേപ്പയ്യൂര്‍ ഹൈസ്‌കൂള്‍ പ്രധാനാധ്യാപിക ടി.എം. ഗീത, അഡിഷനല്‍ ഹെഡ്മാസ്റ്റര്‍ ഉണ്ണികൃഷ്ണന്‍, 1997 ബാച്ചിലെ അധ്യാപകനായ ദിനേശന്‍ മാസ്റ്റര്‍ കുരുടിമുക്ക് സംസാരിച്ചു. സരിത മഠത്തുംഭാഗം അജീഷ് കുമാര്‍ ചക്കിട്ടപാറ സംസാരിച്ചു.