മലപ്പുറം: സുപ്രഭാതം ദിനപത്രം വാര്‍ഷിക കാംപയിനോടുനുബന്ധിച്ചു മലയില്‍ ഗ്രൂപ്പ്-സ്‌നേഹപൂര്‍വം സുപ്രഭാതം പദ്ധതി ജില്ലയിലെ കൂടുതല്‍ സ്‌കൂളിലേക്ക്. സര്‍ക്കാര്‍, എയ്ഡഡ് മേഖലയിലെ തെരഞ്ഞെടുക്കപ്പെട്ട എല്‍.പി, യു.പി, ഹൈസ്്കൂള്‍, ഹയര്‍സെക്കന്‍ഡറി സ്‌കൂളുകളിലാണ് പദ്ധതി തുടങ്ങുന്നത്.
പാണക്കാട് ദാറുല്‍ഉലൂം ഹയര്‍സെക്കന്‍ഡറി സ്‌കൂള്‍, മലപ്പുറം സെന്റ് ജമ്മാസ് ഹയര്‍സെക്കന്‍ഡറി സ്‌കൂള്‍, ജി.വി.എച്ച്.എസ് സ്‌കൂള്‍ അരിമ്പ്ര, ഗവ. ഹയര്‍സെക്കന്‍ഡറി സ്‌കൂള്‍ ഒതുക്കുങ്ങല്‍, മുതിരിപ്പറമ്പ് ജി.യു.പി സ്‌കൂള്‍, മലപ്പുറം മുതുവത്തുപറമ്പ് എ.എല്‍.പി സ്‌കൂള്‍, അരീക്കോട് വടക്കുമുറി എ.എം.എല്‍.പി സ്‌കൂള്‍ തുടങ്ങിയ വിദ്യാലയങ്ങളിലാണ് ഈ വര്‍ഷം പദ്ധതി തുടങ്ങുന്നത്. വിവിധ സ്‌കൂളുകളില്‍ ഈ മാസം പദ്ധതി ഉദ്ഘാടനം നടക്കും.പി.എം.എസ്.എ.എച്ച്.എസ് സ്‌കൂള്‍ ചെമ്മങ്കടവ്, എ.എല്‍.പി സ്‌കൂള്‍ ചോലക്കല്‍, എ.എം.എല്‍.പി സ്‌കൂള്‍ പുളിയാട്ടുകുളം, ജി.എം.യു.പി സ്‌കൂള്‍ ചെമ്മങ്കടവ് എന്നിവിടങ്ങളില്‍ നിലവില്‍ മലയില്‍ ഗ്രൂപ്പ്-സ്‌നേഹപൂര്‍വം സുപ്രഭാതം പദ്ധതി നടന്നുവരുന്നുണ്ട്.
ഭക്ഷ്യോല്‍പന്ന നിര്‍മാണരംഗത്തു രണ്ടു പതിറ്റാണ്ടായി പ്രവര്‍ത്തിച്ചുവരുന്ന പ്രമുഖ വ്യവസായ സംരംഭമാണ് മലയില്‍ ഗ്രൂപ്പ്. വിവിധതരം ഭക്ഷ്യോല്‍പന്നങ്ങളുടെ നിര്‍മാണ, വിപണന രംഗത്ത് ശ്രദ്ധേയമായ പ്രവര്‍ത്തനങ്ങളാണ് ഗ്രൂപ്പ് നടത്തുന്നത്. ജീവകാരുണ്യരംഗത്തും സാമൂഹ്യപ്രവര്‍ത്തനങ്ങളിലും സജീവമാണ്. കാംപയിന്റെ ഭാഗമായി  പുതിയ സ്‌കൂളുകള്‍ക്കുള്ള പദ്ധതി വിഹിതം കഴിഞ്ഞ ദിവസം സുപ്രഭാതം രക്ഷാധികാരി പാണക്കാട് സയ്യിദ് ഹൈദരലി ശിഹാബ് തങ്ങള്‍ ഏറ്റുവാങ്ങി. മലയില്‍ ഗ്രൂപ്പ് ചെയര്‍മാന്‍ മുഹമ്മദ് ഗദ്ദാഫി, എം.പി മുഹമ്മദ് സംബന്ധിച്ചു.