താമരശ്ശേരി: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ കേസില്‍ അഞ്ചുപേരെ താമരശ്ശേരി പൊലിസ് അറസ്റ്റ് ചെയ്തു. അരീക്കാട് നല്ലളം സ്വദേശികളായ തച്ചമ്പലം വയല്‍ ഹാമിദ് (21), കൈതവളപ്പ് സല്‍മാനുല്‍ ഫാരിസ് (21), ഒതയമംഗലം വിഷ്ണു (22), ബല്‍ക്കീസ് മന്‍സില്‍ എ.പി അഫ്താബ് റഹ്മാന്‍ (20), ചാലാട്ടില്‍ അബ്ദുല്‍ അഫീഫ് (20) എന്നിവരാണ് അറസ്റ്റിലായത്. സമൂഹമാധ്യമത്തിലൂടെ പരിചയപ്പെട്ട പെണ്‍കുട്ടിയെ ഹാമിദ് വീട്ടിലെത്തി ബൈക്കില്‍ കൊണ്ടുപോവുകയായിരുന്നു. സുഹൃത്തുക്കളായ നാലുപേര്‍ ഇവര്‍ക്ക് ഒളിവില്‍ കഴിയാന്‍ സംരക്ഷണം കൊടുത്തതിനെ തുടര്‍ന്നാണ് കേസിലകപ്പെട്ടത്. സ്ത്രീത്വത്തെ അപമാനിക്കല്‍, പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോകല്‍ എന്നീ വകുപ്പുകള്‍ പ്രകാരമാണ് ഇവര്‍ക്കെതിരേ കേസെടുത്തത്.