പൂനെ: പശുപരിപാലനം ക്രിമിനല്‍ മനോഭാവം ഇല്ലാതാക്കുമെന്ന് ആര്‍.എസ്.എസ് തലവന്‍ മോഹന്‍ ഭാഗവത്. ജയിലില്‍ പശുക്കളെ പരിപാലിക്കാനുള്ള ചുമതല നല്‍കിയതോടെ കുറ്റവാളികളുടെ ക്രിമിനല്‍ മനോഭാവം കുറഞ്ഞതായി അനുഭവം തെളിയിച്ചതായും ഗോ വിജ്ഞാന്‍ സംശോധന്‍ സന്‍സ്ഥ സംഘടിപ്പിച്ച പരിപാടിയില്‍ അദ്ദേഹം പറഞ്ഞു. പശു മണ്ണിനെയും മൃഗങ്ങളെയും പക്ഷികളെയും പരിപോഷിപ്പിക്കുന്ന പോലെ അതു മനുഷ്യനെയും പരിപോഷിപ്പിക്കുകയും രോഗങ്ങളില്‍നിന്നു സംരക്ഷിക്കുകയും മനുഷ്യ ഹൃദയത്തെ പുഷ്പം പോലെ മൃദുവാക്കുകയും ചെയ്യുന്നതായും അദ്ദേഹം പറഞ്ഞു.