ഹരിപ്പാട്: സി.ബി.സി വാര്യര്‍ ഫൗണ്ടേഷന്റെ കരുതല്‍ പെയിന്‍ ആന്‍ഡ് പാലിയേറ്റീവ് കെയര്‍ സൊസൈറ്റിയുടെ സൗജന്യ ആംബുലന്‍സ് സര്‍വിസ് പ്രവര്‍ത്തനം ആരംഭിച്ചു.
നാരകത്തറയിലെ സൊസൈറ്റി ആസ്ഥാനത്തുനിന്നും കിടപ്പ് രോഗിയായ എരിയ്ക്കാവ് സ്വദേശി ചെല്ലപ്പനുമായി വണ്ടാനത്തേക്കുള്ള ആദ്യയാത്ര ഫൗണ്ടേഷന്‍ ചെയര്‍മാന്‍ എം.സത്യപാലന്‍ ഫ്‌ലാഗ് ഓഫ് ചെയ്തു. സി.പി.എം ഹരിപ്പാട് ഏരിയ സെക്രട്ടറി എന്‍.സോമന്‍, സൊസൈറ്റി സെക്രട്ടറി ജി.രവീന്ദ്രന്‍ പിള്ള, സി.എന്‍.എന്‍ നമ്പി, ആര്‍.ബിജു, കെ.മോഹനന്‍, ധര്‍മ്മപാലന്‍, വിജിത ബിജു, പി.എം ഗോപിനാഥന്‍ എന്നിവര്‍ സംസാരിച്ചു.
പ്രവാസി വ്യവസായി കരുവാറ്റ ചെറുമനശ്ശേരില്‍ രാജനാണ് സി.ബി.സി ഫൗണ്ടേഷന് ആംബുലന്‍സ് സംഭാവന ചെയ്തത്. നാരകത്തറയിലെ പാലിയേറ്റീവ് സൊസൈറ്റി ഓഫിസ് കേന്ദ്രമാക്കിയാണ് സര്‍വിസ് നടത്തുന്നത്.