പടിഞ്ഞാറത്തറ: ഗ്രാമപഞ്ചായത്തിന്റെ 2016-17 വര്‍ഷത്തേക്കുളള പദ്ധതി രേഖയുടെ പ്രകാശനവും വികസന സെമിനാറും പഞ്ചായത്ത് കമ്മ്യൂണിറ്റി ഹാളില്‍ നടത്തി. സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു.
 കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ജില്ലാ പഞ്ചായത്തംഗം കെ.ബി നസീമയ്ക്ക് നല്‍കി പദ്ധതി രേഖാ പ്രകാശനം ഉദ്ഘാടനം ചെയ്തു.
 ഗ്രാമപഞ്ചായത്ത് പ്രസിഡന്റ് പി.ജി സജേഷ് അധ്യക്ഷനായി. വികസനകാര്യ സ്റ്റാന്റിങ് കമ്മിറ്റി അംഗം ജോസഫ് പുല്ലുമാരിയില്‍ പദ്ധതി അവതരിപ്പിച്ചു. ബ്ലോക്ക് പഞ്ചായത്തംഗങ്ങളായ ഈന്തന്‍ ആലി, ജിന്‍സി സണ്ണി, ഹാരിസ് കണ്ട്യന്‍, അമ്മദ് കട്ടയാടന്‍, എം മുഹമ്മദ് ബഷീര്‍, പി.ഒ പ്രദീപന്‍ മാസ്റ്റര്‍, നന്നാട്ട് ജോണി, രാജീവന്‍, സിമില്‍ കുമാര്‍, ഉഷ വര്‍ഗീസ് സംസാരിച്ചു. ഗ്രാമപഞ്ചായത്തംഗം സി.ഇ ഹാരിസ്, കെ ബാബു, സന്തോഷ്, ബുഷ്‌റ ഉസ്മാന്‍, ആസ്യ ചേരാപുരം, സിന്ധു പുറത്തൂട്ട്, ഉഷ ആനപ്പാറ, സതി വിജയന്‍ സംബന്ധിച്ചു. വൈസ് പ്രസിഡന്റ് നസീമ പൊന്നാണ്ടി സ്വാഗതവും സെക്രട്ടറി അനില്‍ രാമകൃഷ്ണന്‍ നന്ദിയും പറഞ്ഞു.