ആലപ്പുഴ : ആളൊരുങ്ങി പാടാനെത്തിയിട്ടും അരങ്ങുണരാതെ വന്നതോടെ നാടന്‍ പാട്ടിന്റെ താളവുമായി പ്രതിഷേധം. 20 ാം നമ്പര്‍ വേദിയിലാണ് ആദ്യദിനം തന്നെ പ്രതിഷേധം ഉയര്‍ന്നത്. മത്സരം തുടങ്ങാന്‍ നിശ്ചയിച്ചിരുന്ന സമയം രാവിലെ ഒന്‍പതിനായിരുന്നു. പിന്നീട് പത്തിലേക്ക് മാറ്റി. കര്‍ട്ടനില്ലാതെ വന്നതും പ്രതിഷേധത്തിനിടയാക്കി. കര്‍ട്ടനില്ലാതെ തുറന്ന വേദിയില്‍ തന്നെ പരിപാടി നടത്താന്‍ സംഘാടകര്‍ ഒരുങ്ങിയതോടെ മത്സരാര്‍ഥികള്‍ എതിര്‍പ്പുയര്‍ത്തി.
പ്രതിഷേധ സൂചകമായി നാടന്‍ പാട്ടിന്റെ ശീലുകള്‍ മുറുകി. പതിനൊന്നരയോടെ കര്‍ട്ടനെത്തിച്ച ശേഷമാണ് മത്സരം തുടങ്ങിയത്.