കല്‍പ്പറ്റ: കേരള ബ്ലാസ്റ്റേഴ്‌സ് വയനാട്ടില്‍ അഞ്ചിടങ്ങളില്‍ ഫുട്‌ബോള്‍ സ്‌കൂള്‍ തുടങ്ങുന്നു. വൈത്തിരി, മാനന്തവാടി, സുല്‍ത്താന്‍ ബത്തേരി താലൂക്ക് ആസ്ഥാനങ്ങളിലെ അഞ്ച് വിദ്യാലയങ്ങളിലാണ് ഫുട്‌ബോള്‍ സ്‌കൂള്‍ തുടങ്ങുന്നത്. 

കല്‍പ്പറ്റയില്‍ സെന്റ് ജോസഫ്‌സ്, എസ്.കെ.എം.ജെ, എന്‍.എസ്.എസ് എന്നീ വിദ്യാലയങ്ങളില്‍ സ്‌കൂള്‍ ആരംഭിക്കാന്‍ ധാരണയായി. മറ്റു സ്‌കൂളുകള്‍ സംബന്ധിച്ച ചര്‍ച്ച പുരോഗതിയിലാണ്.
കേരള ഫുട്‌ബോള്‍ അസോസിയേഷന്‍, സ്‌കോര്‍ലൈന്‍ ഗ്രൂപ്പ് എന്നിവയുടെ സഹകരണത്തോടെയാണ് ബ്ലാസ്‌റ്റേഴ്‌സ് ഫുട്‌ബോള്‍ സ്‌കൂളുകള്‍ ആരംഭിക്കുന്നതെന്ന് ജില്ലാ ഫുട്‌ബോള്‍ അസോസിയേഷന്‍ സെക്രട്ടറി പി. സഫറുല്ല പറഞ്ഞു. അപേക്ഷാഫോറത്തിനും വിശദവിവരത്തിനും 9747628266, 8075504529 എന്നീ നമ്പരുകളില്‍ വിളിക്കാം.