കുന്ദമംഗലം: കാലിക്കറ്റ് സര്‍വകലാശാലയുടെ ഈവര്‍ഷത്തെ ഏറ്റവും മികച്ച എന്‍.എസ്.എസ് യൂനിറ്റിനും പ്രോഗ്രാം ഓഫിസര്‍ക്കുമുള്ള ഇന്ദിരാഗാന്ധി അവാര്‍ഡിന് ചാത്തമംഗലം എം.ഇ.എസ് കോളജ് അര്‍ഹരായി. ഇവര്‍ക്കായി കോളജ് കാംപസില്‍ പ്രത്യേക സ്വീകരണ ചടങ്ങ് സംഘടിപ്പിച്ചു.
കെട്ടാങ്ങലില്‍ നിന്ന് നിരവധി വിദ്യാര്‍ഥികളും കോളജ് സ്റ്റാഫും മറ്റും ചേര്‍ന്ന് പ്രോഗ്രാം ഓഫിസര്‍ കെ. ഷാഫി, എന്‍.എസ്.എസ് വളണ്ടിയര്‍മാര്‍ എന്നിവരെ സ്വീകരിച്ചാനയിച്ചു.
 പാവപ്പെട്ട കുടുംബത്തിന് വീട്, വേദനയ്‌ക്കൊരു സ്വാന്ത്വനം പദ്ധതി, ജൈവ പച്ചക്കറിത്തോട്ടം, കുതിരവട്ടം മാനസികാരോഗ്യ ആശുപത്രിയിലെ പാര്‍ക്ക് നവീകരണം തുടങ്ങി ഒട്ടേറെ ജീവകാരുണ്യ പദ്ധതികളാണ് കോളജ് എന്‍.എസ്.എസ് യൂനിറ്റ് ഏറ്റെടുത്ത് നടത്തിയത്.
എം.ഇ.എസ് ജില്ലാ പ്രസിഡന്റ് കെ.ടി സക്കീര്‍ ഹുസൈന്‍ അധ്യക്ഷനായി. മാനേജ് മെന്റ് ചെയര്‍ാമന്‍ ഡോ.എം.എം കോയ ജേതാക്കള്‍ക്ക് അവാര്‍ഡ് സമ്മാനിച്ചു. പ്രിന്‍സിപ്പല്‍ ജോണ്‍ സി മാത്യു, വൈസ് പ്രിന്‍സിപ്പല്‍ ഇ. അബ്ദുറസാഖ്, ട്രഷറര്‍ പി.ടി അസൈന്‍ കുട്ടി, എന്‍.കെ അബൂബക്കര്‍, പി.കെ അല്‍ത്വാഫ്, എ.എം.പി ഹംസ, രമേശ് കുമാര്‍, അജാസ് പിലാശ്ശേരി, കെ. ഷാപി, എം.കെ ജാസില്‍ പ്രസംഗിച്ചു.