ആലപ്പുഴ:ഹരിപ്പാട് ആയാപറമ്പ് ഗാന്ധിഭവന്‍ സ്‌നേഹവീട്ടിലെ അമ്മമാര്‍ സംസ്ഥാന സ്‌കൂള്‍ കലോത്സവ വേദിയില്‍ എത്തി. ഗാന്ധിഭവന്‍ സ്‌നേഹവീട് ഡയറക്ടര്‍ ശ്രീ.മുഹമ്മദ് ഷമീറിനൊപ്പം ആണു ഈ കലാമാമാങ്കം കാണുവാനായി എത്തിയത്.

'മാതാവും പിതാവും ഗുരുവും ദൈവമാണു' എന്നെഴുതിയ ബോര്‍ഡുകളും കൈയ്യിലേന്തി യാണു ഈ അമ്മമാര്‍ കടന്നു വന്നത്. സ്വന്തം
മാതാപിതാക്കളെ തെരുവിലേക്ക് വലിച്ചെറിയ പ്പെടുന്ന മക്കളാവരുത് ഇന്നത്തെ ഈ വിദ്യാര്‍ത്ഥി സമൂഹമെന്ന ഒരു ഓര്‍മ്മപ്പെടുത്തല്‍ കൂടിയായി രുന്നു ഈ ബോര്‍ഡുകള്‍.

സ്വന്തം മക്കള്‍ നല്‍കാത്ത സ്‌നേഹവും കരുതലും വാരിക്കോരിക്കൊടുക്കുന്ന ഗാന്ധി ഭവന്‍ സ്‌നേഹവീട് ഡയറക്ടര്‍ മുഹമ്മദ്
ഷമീര്‍ എന്ന യുവാവ് എല്ലാവര്‍ക്കും മാതൃകയാണ്. അടച്ചിടപ്പെട്ട മുറികളില്‍ തളച്ചിടാതെ സ്‌നേഹവും സന്തോഷവും പങ്ക് വെക്കപ്പെടുന്ന ഇടങ്ങളിലെല്ലാം കരുതലോടെ ഈ അമ്മമാരെ കൊണ്ടു നടക്കുന്ന ഷമീറിന്റെ പ്രവര്‍ത്തനങ്ങള്‍ അഭിനന്ദനാര്‍ഹം തന്നെ.

ഈയിടെ പുറത്തിറങ്ങിയ കായംകുളം കൊച്ചുണ്ണിയെന്ന ചലച്ചിത്രം കാണുവാനും കഴിഞ്ഞ ദിവസം വൃശ്ചികപ്പുലരിയിലെ
ഓച്ചിറ പരബ്രഹ്മത്തെ ദര്‍ശ്ശിക്കുവാനും അമ്മമാരുടെ സംഘം എത്തിയത് വാര്‍ത്തകളില്‍ ഇടം പിടിച്ചിരുന്നു.