തുരുത്തിലെ ജീവിതം
#പി.ടി മണികണ്ഠന്
ഓര്മകള്ക്ക്
തുരുമ്പുപിടിക്കുമ്പോഴാണ്
ഓരോരുത്തരും
സ്വന്തം തുരുത്ത് തേടുന്നത്.
അവിടെ പണിയുന്ന
ഇടുങ്ങിയ വീടുകള്ക്ക്
ചായം പൂശുന്നതു പോലും
ഏറെ ശ്രദ്ധിച്ചായിരിക്കും.
ഒരാള് തേച്ച നിറം
ഒരിക്കലും വരാതിരിക്കാന്
ചായക്കൂട്ടുകള്
മാറ്റി മാറ്റിക്കൊണ്ടിരിക്കും.
സുഗന്ധമുള്ള ഒരു പൂവോ
മധുരമുള്ള ഒരു ഫലമോ
ഒരിക്കലും പിറക്കാത്ത
വരണ്ട ചെടികള് മാത്രം
വച്ചു പിടിപ്പിക്കും.
കാലം ഒഴിവാക്കുന്ന
കല്ലും കട്ടയും വച്ച്
ഒട്ടും ഉറപ്പില്ലാത്ത
വലിയ മതിലു കെട്ടും.
ജീവന്റെ ചൂട് പരസ്പരമറിഞ്ഞ
അല്പ്പനേരത്തെ നിസഹായത
ഇനി വേണ്ടിവരില്ലെന്ന
ഉത്തമബോധത്തെ
താലോലിച്ചു താലോലിച്ച്
ഉറക്കംനടിച്ചു കിടക്കും.
തകര്ത്തു തിമിര്ത്ത്
വഴിവെട്ടി വെട്ടിയെത്തുന്ന
മഹാപ്രവാഹം
തുരുമ്പെല്ലാം രാകി രാകി
മിനുസപ്പെടുത്തുമ്പോള്
ഓരോരുത്തരും
സ്വന്തം തുരുത്തുവിട്ട്
ഓടിവരും.
മറന്നുവച്ചതെല്ലാം
എണ്ണിയെണ്ണി പെറുക്കിയെടുക്കും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."