തൊടുപുഴ: ഇടുക്കി ജില്ലാ സൈക്ലിംഗ് അസോസിയേഷന്റെ ആഭിമുഖ്യത്തില്‍ ഈ വര്‍ഷത്തെ ജില്ലാ മൗണ്ടന്‍ സൈക്ലിങ് ചാംപ്യന്‍ഷിപ്പ് ആറിന് ചേറ്റുകുഴിയില്‍ നടത്തും. സബ്ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേകം മത്സരങ്ങള്‍ ഉണ്ടായിരിക്കും. ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യാ പൗലോസ് മത്സരങ്ങള്‍ ഉദ്ഘാടനം ചെയ്യും. വണ്ടന്‍മേട് ഗ്രാമപഞ്ചായത്ത് പ്രസിഡന്റ് ജാന്‍സി റെജി ചടങ്ങില്‍ അധ്യക്ഷനാകും. കേരള സൈക്ലിങ് അസോസിയേഷന്‍ വൈസ് പ്രസിഡന്റ് എന്‍. രവീന്ദ്രന്‍ മുഖ്യപ്രഭാഷണം നടത്തും. 

12, 13 തീയതികളില്‍ ചേറ്റുകുഴിയില്‍ വച്ച് നടത്തുന്ന സംസ്ഥാന മൗണ്ടന്‍ സൈക്ലിങ് ചാംപ്യന്‍ഷിപ്പില്‍ പങ്കെടുക്കേണ്ട ഇടുക്കി ജില്ലാ ടീമിനെ ഈ മത്സരത്തില്‍ നിന്നും തിരഞ്ഞെടുക്കും. പങ്കെടുക്കുവാന്‍ ആഗ്രഹിക്കുന്നവര്‍ വയസ് തെളിയിക്കുന്ന സര്‍ട്ടിഫിക്കറ്റ്, സൈക്കിള്‍, സ്‌പോര്‍ട്‌സ് കിറ്റ് എന്നിവയുമായി രാവിലെ എട്ടിന് ചേറ്റുകുഴിയില്‍ റിപ്പോര്‍ട്ട് ചെയ്യണമെന്ന് ജില്ലാ സൈക്ലിങ് അസോസിയേഷന്‍ സെക്രട്ടറി എ.പി. മുഹമ്മദ് ബഷീര്‍ അറിയിച്ചു. ഫോണ്‍:9447173843.