ആലുവ: മലയാളത്തിന്റെ സുകൃതം സുപ്രഭാതം ക്യാംപയിനിന്റെ ഉദ്ഘാടനം എസ്.കെ.എസ്.എസ്.എഫ് ജില്ലാ പ്രസിഡന്റ് ശഫീഖ് തങ്ങള്‍ നിര്‍വഹിച്ചു. സമസ്ത ജില്ലാ കാര്യാലയത്തില്‍ റെയ്ഞ്ച് പ്രസിഡന്റ് അബ്ദുള്‍ കരീം ഫൈസിയുടെ അധ്യക്ഷതയില്‍ ചേര്‍ന്ന യോഗത്തില്‍ എറണാകുളം മേഖല കോ-ഓര്‍ഡിനേറ്റര്‍ ഹസൈനാര്‍ മൗലവി വിഷയാവതരണം നടത്തി.
കുട്ടമശ്ശേരി മസ്ജിദുന്നൂര്‍ പ്രസിഡന്റ് അസീസ് ഹാജി വാര്‍ഷിക വരിക്കാരനായി ചേര്‍ന്നുകൊണ്ട് വരിക്കാരെ ചേര്‍ക്കല്‍ ഉദ്ഘാടനം ചെയ്തു. എടയപ്പുറം ബുഖാരി ഫൈസി ആശംസകള്‍ അര്‍പ്പിച്ചു. മുഹ്‌യുദ്ദീന്‍ ബാഖവി, അബ്ദുല്‍ അഹദ് വാഫി, ജലാലുദ്ദീന്‍ മുസ്‌ലിയാര്‍, ശഫീഖ് റഹ്മാനി, അലി റഹ്മാനി, കെ.കെ. നാസര്‍ എന്നിവര്‍ പങ്കെടുത്തു. റൈഞ്ച് സെക്രട്ടറി അഷ്‌റഫ് ഹുദവി സ്വാഗതവും മഹ്മൂദ് മുസ്‌ലിയാര്‍ നന്ദിയും പറഞ്ഞു.