നാദാപുരം: കല്ലാച്ചിയിലെ ഓട്ടോതൊഴിലാളി യൂനിയന്‍ എസ്.ടി.യു യൂനിറ്റ് സെക്രട്ടറി വാണിമേല്‍ പാലത്തിനു സമീപത്തെ ചെറിയ അരൂക്കുണ്ടില്‍ സുഹൈല്‍ (24)ന് മര്‍ദനമേറ്റു.
പരുക്കുകളോടെ നാദാപുരം താലൂക്ക് ആശുപത്രിയില്‍ പ്രവേശിപ്പിച്ചു. ബുധനാഴ്ച രാത്രി കല്ലാച്ചിയില്‍ നിന്ന് കടവത്തൂരിലേക്ക് ഓട്ടം പോയതായിരുന്നു. ഇതിനിടയില്‍ കടവത്തൂരില്‍ വെച്ച് അഞ്ചംഗ സംഘം ഓട്ടോ തടഞ്ഞു മര്‍ദിച്ചതായാണ് പരാതി. മര്‍ദനത്തില്‍ മൂക്കിന് സാരമായി പരുക്കേറ്റ ഇയാളെ വടകര സഹകരണ ആശുപത്രിയില്‍ ചികിത്സക്ക് വിധേയനാക്കി. സംഭവത്തില്‍ പ്രതിഷേധിച്ച് ഓട്ടോ തൊഴിലാളികള്‍ കല്ലാച്ചിയില്‍ പ്രകടനം നടത്തി. അഡ്വ. മുസ്തഫ കുന്നുമ്മല്‍, പി. അബ്ദുല്ല നേതൃത്വം നല്‍കി.