ചവറ: ഗ്രാമപഞ്ചായത്തംഗത്തെ അക്രമിച്ച മദ്യപസംഘം സ്റ്റേഷനിലേക്കുള്ള വഴിമധ്യേ പൊലിസ് കസ്റ്റഡിയില്‍ നിന്നു രക്ഷപ്പെട്ടു.
ഞായറാഴ്ച രാത്രി 9.30 ന് ചവറ കൊറ്റന്‍ കുളങ്ങരയിലാണ് സംഭവം. ചവറ ഗ്രാമപഞ്ചായത്തംഗം കോട്ടയ്ക്കകം വാര്‍ഡ് പ്രതിനിധിയായ ദീപുവിനെയാണ് സംഘം അക്രമിച്ചത്. ബൈക്ക് തല്ലിത്തകര്‍ത്തത് ചോദ്യം ചെയ്തതിനെ തുടര്‍ന്നാണ് സംഘം അക്രമണം നടത്തിയത്. വിവരമറിഞ്ഞ് സ്ഥലത്തെത്തിയ ചവറ പൊലിസ്  വിനീത്, സുധീഷ്, കുമാര്‍ എന്നിവരെ പിടികൂടി. എന്നാല്‍  എന്നാല്‍ സുധീഷും കുമാറും സംഭവസ്ഥലത്ത് നിന്നും,വിനീത് ചവറ പൊലിസ് സ്റ്റേഷന്റെ സമീപത്ത് നിന്നും പൊലിസിനെ വെട്ടിച്ചു കടന്നു.ജീപ്പിലുണ്ടായിരുന്ന അജയകുമാറെന്ന പൊലിസുകാരനെ തള്ളിവീഴ്ത്തിയായിരുന്നു രക്ഷപ്പെടല്‍.പ്രതികള്‍ക്കായി അന്വേഷണം ഊര്‍ജിതമാക്കിയതായി പൊലിസ് പറഞ്ഞു.