വാഷിങ്ടണ്‍: 45 ലക്ഷം ഡോളര്‍ വിലവരുന്ന രണ്ടു മെട്രിക് ടണ്‍ ആനക്കൊമ്പു ശില്‍പങ്ങള്‍ നശിപ്പിച്ചു. ന്യൂയോര്‍ക്കിലെ വിവിധ ഭാഗങ്ങളില്‍ നിന്ന് പിടിച്ചെടുത്ത ശില്‍പങ്ങളാണ് നശിപ്പിച്ചത്.
ന്യൂയോര്‍ക്കിലെ പബ്ലിക് പാര്‍ക്കിലാണ് സംഭവം. കൊമ്പുകള്‍ നശിപ്പിക്കുന്നതിനുമുന്‍പ് പ്രദര്‍ശനവും നടന്നു. പാറ പൊടിക്കുന്ന യന്ത്രങ്ങള്‍ ഉപയോഗിച്ചാണ് ഇവ നശിപ്പിച്ചത്. കൊമ്പുകള്‍ക്കുവേണ്ടി ആനകളെ കൊല്ലുന്നത് അനുവദിക്കില്ലെന്ന് വൈല്‍ഡ് ലൈഫ് കണ്‍സര്‍വേഷന്‍ സൊസൈറ്റി എക്‌സിക്യൂട്ടീവ് വൈസ് പ്രസിഡന്റ് ജോണ്‍ കാല്‍വെല്ലി പറഞ്ഞു.
യു.എസിലെ മറ്റിടങ്ങളില്‍ നിയന്ത്രണങ്ങള്‍ക്ക് വിധേയമായി ആനക്കൊമ്പ് ശില്‍പങ്ങള്‍ വില്‍ക്കാമെങ്കിലും ന്യൂയോര്‍ക്കില്‍ കഴിഞ്ഞ വര്‍ഷം മുതല്‍ വില്‍പന നിരോധിച്ചിരുന്നു.