ഒന്നാംവര്‍ഷ ബിരുദം
2017-18-ലെ ഒന്നാം വര്‍ഷ ബിരുദം എസ്.സി.എസ്.ടി. സീറ്റുകളിലേയ്ക്ക് മേഖലാതലത്തില്‍ സ്‌പോട്ട് അലോട്ട്‌മെന്റ് നടത്തുന്നു. ആലപ്പുഴ മേഖലയിലെ കോളജുകളില്‍ ഓപ്ഷന്‍ നല്‍കിയിട്ടുള്ളവര്‍ ആലപ്പുഴ എസ്.ഡി.കോളജിലും, തിരുവനന്തപുരം മേഖലയില്‍ ഓപ്ഷന്‍ നല്‍കിയിട്ടുള്ളവര്‍ സര്‍വകലാശാല സെനറ്റ് ഹാളിലും ഓഗസ്റ്റ് 9ന് ഹാജരാകണം. കൊല്ലം മേഖലയില്‍ ഓപ്ഷന്‍ നല്‍കിയിട്ടുള്ളവര്‍ കൊല്ലം എസ്.എന്‍.കോളജിലും അടൂര്‍ മേഖലയില്‍ ഓപ്ഷന്‍ നല്‍കിയിട്ടുള്ളവര്‍ അടൂര്‍ സെന്റ് സിറിള്‍സ് കോളജിലും ഓഗസ്റ്റ് 10ന് ഹാജരാകണ്ടണം.
രാവിലെ 9 മുതല്‍ 11 വരെ എസ്.സി.എസ്.ടി. വിദ്യാര്‍ഥികള്‍ ഓണ്‍ലൈന്‍ അപേക്ഷയുടെ പ്രിന്റ് ഔട്ട് സഹിതം ഹാജരാകണം. നിശ്ചിത സമയത്തിനകം റിപ്പോര്‍ട്ട് ചെയ്യുന്ന വിദ്യാര്‍ഥികളില്‍ നിന്നും സര്‍വകലാശാല തയാറാക്കുന്ന റാങ്ക് പട്ടിക അനുസരിച്ച് ഒഴിവുള്ള സീറ്റുകളിലേയ്ക്ക് പ്രവേശനം നടത്തും. വിശദവിവരങ്ങള്‍ സര്‍വകലാശാല വെബ്‌സൈറ്റില്‍.

ബി.ബി.എ പരീക്ഷ
ഓഗസ്റ്റ് 23ന് ആരംഭിക്കുന്ന ഒന്നാം വര്‍ഷ ബി.ബി.എ പരീക്ഷയ്ക്ക് തിരുവനന്തപുരം പരീക്ഷാകേന്ദ്രമായി അപേക്ഷിച്ചവര്‍ പാളയം സ്‌കൂള്‍ ഒഫ് ഡിസ്റ്റന്‍സ് എഡ്യൂക്കേഷന്‍ കേന്ദ്രത്തില്‍ നിന്ന് ഹാള്‍ടിക്കറ്റ് വാങ്ങി അവിടെ പരീക്ഷ എഴുതണ്ടണം. കൊല്ലം പരീക്ഷാകേന്ദ്രമായി അപേക്ഷിച്ചവര്‍ ചാത്തന്നൂര്‍ എസ്.എന്‍ കോളജില്‍ നിന്ന് ഹാള്‍ടിക്കറ്റ് വാങ്ങി അതേ കേന്ദ്രത്തില്‍ പരീക്ഷ എഴുതണം. ആലപ്പുഴ പരീക്ഷാകേന്ദ്രമായി അപേക്ഷിച്ചവര്‍ ചേര്‍ത്തല എസ്.എന്‍ കോളജില്‍ നിന്ന് ഹാള്‍ടിക്കറ്റ് വാങ്ങി അതേ കേന്ദ്രത്തില്‍ പരീക്ഷ എഴുതണം.