തലശേരി: ജാര്‍ഖണ്ഡിനെതിരായ അണ്ടര്‍ 23 കേണല്‍ സി.കെ നായിഡു ചതുര്‍ദിന ക്രിക്കറ്റ് മത്സരത്തില്‍ മൂന്നാംദിനം കളി നിര്‍ത്തുമ്പോള്‍ കേരളം രണ്ടാം ഇന്നിങ്‌സില്‍ അഞ്ച് വിക്കറ്റ് നഷ്ടത്തില്‍ 231 റണ്‍സ് എന്ന നിലയില്‍.
ഇതോടെ കേരളത്തിന് 121 റണ്‍സ് ലീഡായി. 77 റണ്‍സോടെ എം. അജ്‌നാസും 20 റണ്‍സോടെ എം.പി ശ്രീരൂപുമാണ് ക്രീസില്‍.
കേരളത്തിനായി എം. ഭരത് സൂര്യ 36 ഉം അശ്വിന്‍ ആനന്ദ് 33 റണ്‍സുമെടുത്തു.
ജാര്‍ഖണ്ഡിനായി ശുഭം കുമാര്‍ സിങ് 61 റണ്‍സിന് നാലു വിക്കറ്റ് വീഴ്ത്തി. നേരത്തെ ആറ് വിക്കറ്റ് നഷ്ടത്തില്‍ 293 റണ്‍സ് എന്ന നിലയില്‍ ബാറ്റിങ് പുനരാരംഭിച്ച ജാര്‍ഖണ്ഡ് 113.2 ഓവറില്‍ 362 റണ്‍സിന് ഓള്‍ ഔട്ടായി. ആദിത്യ സിങ് 159 ഉം രവി കുമാര്‍ യാദവ് 34 റണ്‍സുമെടുത്തു. കേരളത്തിനായി എം.പി ശ്രീരൂപ് 55 റണ്‍സിന് നാലു വിക്കറ്റും വിശ്വേശര്‍ എ. സുരേഷ് 82 റണ്‍സിന് രണ്ടു വിക്കറ്റും വീഴ്ത്തി.