ന്യൂഡല്‍ഹി: ലോക്‌സഭാ തെരഞ്ഞെടുപ്പില്‍ എ.എ.പി സ്ഥാനാര്‍ഥിയായി മത്സരിച്ച മുന്‍ എം.എല്‍.എ ഗുഗന്‍ സിങ് ബി.ജെ.പിയിലേക്ക് ചാടി. കേന്ദ്രമന്ത്രി പ്രകാശ് ജാവദേക്കറുടെ സാന്നിധ്യത്തിലാണ് ഗുഗന്‍ സിങ് ബി.ജെ.പിയില്‍ ചേര്‍ന്നത്.

ബി.ജെ.പിയിലെ ഹന്‍സ് രാജ് ഹന്‍സിനെതിരെ നോര്‍ത്തീസ്റ്റ് ഡല്‍ഹി ലോക്‌സഭാ മണ്ഡലത്തില്‍ നിന്നാണ് അദ്ദേഹം മത്സരിച്ചത്. നേരത്തെ ബി.ജെ.പിയിലായിരുന്ന ഗുഗന്‍ സിങ്, ബാവന മണ്ഡലത്തില്‍ നിന്ന് എം.എല്‍.എയായി തെരഞ്ഞെടുക്കപ്പെടുകയും 2017 ഉപതെരഞ്ഞെടുപ്പില്‍ എ.എ.പിയില്‍ എത്തുകയുമായിരുന്നു.