റിയോ ഡി ജനീറോ: പുരുഷ വിഭാഗം തുഴച്ചില്‍ സ്‌കള്‍സ് വിഭാഗത്തില്‍ ഇന്ത്യയുടെ ദത്തു ബാബന്‍ ബൊകനല്‍ സെമി ഫൈനലിലേക്ക് യോഗ്യത നേടാതെ പുറത്തായി.  ആറു പേരുണ്ടായിരുന്ന നാലാം ക്വാര്‍ട്ടര്‍ മത്സരത്തില്‍ നാലാംസ്ഥാനത്താണ് ദത്തു ഫിനിഷ് ചെയ്തത്. ഉറുഗ്വെയുടെയും ഇറാഖിന്റെയും താരങ്ങളെ പിന്തള്ളിയാണ് നാലാം സ്ഥാനത്തെത്തിയത്. നാലു ഗ്രൂപ്പുകളിലായി നടന്ന ക്വാര്‍ട്ടര്‍ ഫൈനല്‍ മത്സരത്തില്‍ 15ാം സ്ഥാനത്താണ് ദത്തു. ആദ്യ 12 സ്ഥാനക്കാര്‍ക്കാണ് സെമിയില്‍ എത്താനുള്ള അവസരം. ആറു മിനുട്ടും 59.89 സെക്കന്‍ഡുമെടുത്താണ് ദത്തു ഫിനിഷ് ചെയ്തത്.