മാറഞ്ചേരി: പുലിയെ കണ്ടെന്ന പ്രചാരണം വെളിയങ്കോട് പ്രദേശത്തെ ഭീതിയിലാഴ്ത്തി. കഴിഞ്ഞദിവസം രാത്രിയില്‍ വെളിയങ്കോട് താവളക്കുളം സ്വദേശിയായ പീടികത്തറയില്‍ നജീബിന്റെ വീട്ടുപറമ്പിലാണ് സംഭവം. രാത്രിയില്‍ പൂച്ചയുടെ കരച്ചില്‍ കേട്ടെത്തിയ വീട്ടിലെ സ്ത്രീ പുലിയെ കണ്ടെന്നാണ് പറയുന്നത്. ബഹളംവച്ചതോടെ അടുത്ത വീട്ടിലെ പറമ്പിലേക്ക് ഓടി മറഞ്ഞെന്നാണ് വീട്ടുകാര്‍ പറയുന്നത്. പിന്നീട് ഓടിക്കൂടിയ നാട്ടുകാര്‍ പുലിയുടേതെന്ന് സംശയിക്കുന്ന വലിയ കാല്‍പ്പാടുകള്‍ കണ്ടെത്തി. വിവരം അറിയിച്ചതിനെ തുടര്‍ന്ന് പൊന്നാനി പൊലിസ് സ്ഥലത്തെത്തി.
കണ്ടെത്തിയ കാല്പാടുകള്‍ രേഖപ്പെടുത്തി വനം വകുപ്പിന് അയച്ചുകൊടുത്തിട്ടിട്ടുണ്ട് .