താമരശേരി: കൈതപ്പൊയില്‍ അപകടത്തിന്റെ ഞെട്ടല്‍ മാറുംമുന്‍പേ വീണ്ടും അപകടം. ഇന്നലെ പുതുപ്പാടി മലോറത്തിനു സമീപം നെരൂക്കുംചാല്‍ ജങ്ഷനില്‍ ബസിനു പിന്നില്‍ കാറിടിച്ച് ഏഴുപേര്‍ക്ക് പരുക്കേറ്റു. താമരശേരിയില്‍നിന്നു നൂറാംതോട്ടിലേക്ക് പോകുകയായിരുന്ന സ്വകാര്യബസിന്റെ പിറകിലേക്കു ടവേര കാര്‍ ഇടിച്ചു കയറുകയായിരുന്നു. ഇന്നലെ രാവിലെ എട്ടരയോടെയാണ് അപകടം.
അപകടത്തില്‍ മീനങ്ങാടി കമ്പളക്കാട് കാര്യമ്പാടി പുത്തൂര്‍ വീട്ടില്‍ സുനിത, മക്കളായ അനുരാഗ്, അദ്വൈദ്, ഡ്രൈവര്‍ കാര്യമ്പാടി സാകേതം മന്‍സൂര്‍, വിജീഷ്, ജ്യോതി, കാശിനാഥ്, എന്നിവര്‍ക്കാണ് പരുക്കേറ്റത്. ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ബസ് പെട്ടന്ന് ബ്രേക്കിട്ടതാണ് അപകടകാരണമെന്ന് കാര്‍യാത്രികര്‍ പറഞ്ഞു. അപകടത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നിട്ടുണ്ട്.