ന്യൂഡല്‍ഹി: ഇന്ത്യയില്‍ ഏറ്റവും ജനപ്രീതിയാര്‍ജിച്ച ഓണ്‍ലൈന്‍ ഷോപിങ് സൈറ്റുകള്‍ മികച്ച ഓഫറുകളുമായി ഫ്രീഡം സെയിലിനൊരുങ്ങുന്നു. എല്ലാ വിശേഷ ദിവസങ്ങൡും സീസണുകളിലും ഇരു ഓണ്‍ലൈന്‍ സൈറ്റുകളും മത്സരിച്ച് വ്യത്യസ്ത ഓഫറുകള്‍ പ്രഖ്യാപിക്കുന്നത് പതിവാണ്.

ഇപ്പോള്‍ ഓഗസ്റ്റ് 15ന് ഫ്രീഡം സെയിലാണ് ഇരു കൂട്ടരും അവതരിപ്പിച്ചത്. ബിഗ് ഫ്രീഡം സെയില്‍ എന്ന പേരില്‍ ഓഗസ്റ്റ് 9 മുതല്‍ 11 വരെ ഫ്‌ളിപ്പ്കാര്‍ട്ട് ഓഫറുകള്‍ പ്രഖ്യാപിച്ചപ്പോള്‍ ഗ്രേറ്റ് ഇന്ത്യന്‍ സെയില്‍ എന്ന പേരില്‍ ഓഗസ്റ്റ് 9 മുതല്‍ 12 വരെയാണ് ആമസോണിന്റെ സെയില്‍.

ആയിരക്കണക്കിന് ഉത്പന്നങ്ങള്‍ ഈ കാലയളവില്‍ മികച്ച വിലക്കുറവില്‍ ഉപഭേക്താക്കള്‍ക്ക് സ്വന്തമാക്കാം. ബിഗ്ബ്രാന്റുകളുടെ ഉത്പന്നങ്ങളും വിലക്കിഴിവല്‍ ഈ കാലയളവില്‍ ലഭിക്കും. മൊബൈല്‍ ഫോണുകള്‍ക്ക് എക്‌സ്‌ചേഞ്ച് സൗകര്യവും ഇരു കൂട്ടരും ഒരുക്കിയിട്ടുണ്ട്.