കോഴിക്കോട്: ശനിയാഴ്ച്ച അടിവാരം കൈതപ്പൊയിലില്‍ ഉണ്ടായ വാഹനാപകടത്തില്‍ പരുക്കേറ്റ് ചികിത്സയിലായിരുന്ന ഒരു കുട്ടി കൂടി മരിച്ചു. വെണ്ണക്കോട് തടത്തുമ്മല്‍ മജീദ്- സഫിന ദമ്പതികളുടം മൂത്ത മകള്‍ ഖദീജ നിയ(11) ആണ് മരിച്ചത്. അപകടത്തില്‍ ഗുരുതരമായി പരുക്കേറ്റ നിയ കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്നു. ഇതോടെ അപകടത്തില്‍ മരിച്ചവരുടെ എണ്ണം ഒന്‍പതായി.

ഓഗസ്റ്റ് അഞ്ചിനാണ് ദേശീയപാതയില്‍ അടിവാരത്തിനും കൈതപ്പൊയിലിനുമിടയില്‍ സ്വകാര്യബസും ജീപ്പും കാറും കൂട്ടിയിടിച്ച് അപകടമുണ്ടായത്. ഒരു കുടുംബത്തിലെ ഏഴുപേരും ജീപ്പ് ഡ്രൈവറും നേരത്തെ മരിച്ചിരുന്നു.