നടുവണ്ണൂര്‍: കാവുന്തറ എ.യു.പി സ്‌കൂളിലെ സാമൂഹ്യ ശാസ്ത്ര ക്ലബിന്റെ നേതൃത്വത്തില്‍ നടുവണ്ണൂര്‍ ടൗണില്‍ നടത്തിയ ദണ്ഡിയാത്രയുടെ പുനരാവിഷ്‌കാരം ശ്രദ്ധേയമായി. ഗാന്ധി തൊപ്പിയണിഞ്ഞ ശുഭ്ര വസ്ത്രധാരികളായ 78 വിദ്യാര്‍ഥികളും സ്‌കൂളിലെ പി.ടി.എ ഭാരവാഹികളും ചേര്‍ന്നാണ് പരിപാടി സംഘടിപ്പിച്ചത്. കാവുന്തറ റോഡ് ജങ്ഷനില്‍നിന്നും ആരംഭിച്ച് സ്വാതന്ത്ര്യ സമര പ്രവര്‍ത്തനത്തില്‍ അഗ്നിക്കിരയാക്കിയ ചരിത്ര സ്മാരകമായ നടുവണ്ണൂര്‍ രജിസ്ട്രാര്‍ ഓഫിസ് പരിസരത്ത് സമാപിച്ചു. പരിപാടി പഞ്ചായത്ത് പ്രസിഡന്റ് യശോദ തെങ്ങിടത്തില്‍ ഉദ്ഘാടനം ചെയ്തു. സ്വാതന്ത്ര്യ സമര സേനാനിയായ പാലോറമ്മല്‍ തയ്യോന്‍ പരിപാടിയില്‍ മുഖ്യാതിഥിയായി. പി.ടി.എ പ്രസിഡന്റ് കെ.പി സത്യന്‍ അധ്യക്ഷനായി. എം സത്യനാഥന്‍, എസ്.എല്‍ കിഷോര്‍ കുമാര്‍, പി അച്ചുതന്‍, ടി നിസാര്‍, സി ബാലന്‍, ഇ അഹമ്മദ്, മുരളി, ശ്യാമള പിലാക്കാട് സംസാരിച്ചു. അധ്യാപികമാരായ സി.എ ഷര്‍മിള, വി ചന്ദ്രിക, യു അനുഷ, സി ഷാജു, സി.എം ഭാസ്‌കരന്‍, പി.എം ഹമീദ്, കെ.എം ജിഷ, അനിഷ, ജറീഷ് ഒലീവ് എന്നിവര്‍ നേതൃത്വം നല്‍കി.