പട്‌ന: മഹാസഖ്യത്തെ പിളര്‍ത്തി ബി.ജെ.പി ക്യാംപില്‍ ചേര്‍ന്ന് സര്‍ക്കാര്‍ രൂപീകരിച്ച ജെ.ഡി.യു നേതാവ് നിതീഷ് കുമാറിന്റെ നടപടിയില്‍ അസംതൃപ്തി പ്രകടിപ്പിച്ച മുതിര്‍ന്ന നേതാവ് ശരത് യാദവ് പുതിയ കരുനീക്കങ്ങള്‍ക്ക് തുടക്കമിടുന്നു. നിതീഷിന്റെ നടപടിയെ വിമര്‍ശിച്ച് തനിക്കൊപ്പം പ്രവര്‍ത്തകരെ ഏകോപിപ്പിക്കുന്നതിനുള്ള ശ്രമവുമായി അദ്ദേഹം നടത്തുന്ന സംസ്ഥാന പര്യടനം ഇന്ന് തുടങ്ങും. ശരത് യാദവിന്റെ നേതൃത്വത്തിലുള്ള ജെ.ഡി.യു നിലനില്‍ക്കുന്നതുകൊണ്ട് ബിഹാറില്‍ മഹാസഖ്യം തകര്‍ന്നിട്ടില്ലെന്ന് കഴിഞ്ഞ ദിവസം ആര്‍.ജെ.ഡി നേതാവ് ലാലുപ്രസാദ് യാദവ് പറഞ്ഞിരുന്നു.