ന്യൂഡല്‍ഹി: ആവശ്യമുള്ളത്ര യന്ത്രങ്ങള്‍ ലഭിക്കുകയാണെങ്കില്‍ ഈ വര്‍ഷാവസാനം നടക്കുന്ന ഗുജറാത്ത് നിയമസഭാ തെരഞ്ഞെടുപ്പില്‍ വിവിപാറ്റ് യന്ത്രം ഉപയോഗിക്കുമെന്ന് തെരഞ്ഞെടുപ്പ് കമ്മിഷന്‍ സുപ്രിം കോടതിയെ അറിയിച്ചു.
വോട്ടിങ് മെഷീനില്‍ വ്യാപകമായ ക്രമക്കേടുകള്‍ ആരോപിക്കപ്പെട്ട സാഹചര്യത്തില്‍ ഗുജറാത്ത് തെരഞ്ഞെടുപ്പില്‍ വോട്ട്‌ചെയ്ത ആള്‍ക്ക് രേഖപ്പെടുത്തിയ വോട്ട് സൂചിപ്പിക്കുന്ന സ്ലിപ്പ് നല്‍കുന്ന വിവിപാറ്റ് സംവിധാനമുള്ള വോട്ടിങ് യന്ത്രങ്ങള്‍ ഉപയോഗിക്കാന്‍ ഉത്തരവിടണമെന്നാവശ്യപ്പെട്ട് സമര്‍പ്പിക്കപ്പെട്ട പൊതുതാല്‍പര്യ ഹരജിയിലാണ് തെരഞ്ഞെടുപ്പ് കമ്മിഷന്‍ നിലപാട് വ്യക്തമാക്കിയത്.
ഗുജറാത്തില്‍ വിവിപാറ്റ് യന്ത്രങ്ങള്‍ ഉപയോഗിക്കുന്നത് സംബന്ധിച്ച് നിലപാട് അറിയിക്കാന്‍ കഴിഞ്ഞ ജൂലൈ ഒമ്പതിനാണ് സുപ്രിം കോടതി കമ്മിഷനോട് ആവശ്യപ്പെട്ടത്.