കുന്നുംകൈ: പെരുമ്പട്ട സി.എച്ച് മുഹമ്മദ് കോയ മെമ്മോറിയല്‍ ഗവ.ഹയര്‍സെക്കന്‍ഡറി സ്‌കൂളില്‍ 'സ്‌നേഹപൂര്‍വം സുപ്രഭാതം' പദ്ധതിക്കു തുടക്കം കുറിച്ചു. സ്‌കൂളില്‍ നടന്ന ചടങ്ങില്‍ പത്രം സ്‌പോണ്‍സര്‍ ചെയ്ത പെരുമ്പട്ട റെയ്ഞ്ച് മാനേജ്‌മെന്റ് അസോസിയേഷന്‍ പ്രസിഡന്റ് എന്‍.എം റൗഫ് ഹാജി സ്‌കൂള്‍ ലീഡര്‍ എം. ശംഷാബിക്കു പത്രം നല്‍കി പദ്ധതിയുടെ ഉദ്ഘാടനം നിര്‍വഹിച്ചു. പി.ടി.എ പ്രസിഡന്റ് പി.സി ഇസ്മയില്‍ അധ്യക്ഷനായി. 'സുപ്രഭാതം' കുന്നുംകൈ ലേഖകന്‍ എ. ദുല്‍കിഫിലി പദ്ധതി വിശദീകരണം നടത്തി. മുസ്തഫ മൗലവി കാംപയിന്‍ വിശദീകരിച്ചു.
പ്രിന്‍സിപ്പല്‍ എന്‍. നാരായണന്‍, കെ. ജയന്തി സംസാരിച്ചു. എസ്.എം.സി ചെയര്‍മാന്‍ ടി. പി അബ്ദുല്‍ ഖരീം ഹാജി, പെരുമ്പട്ട റെയ്ഞ്ച് ജം ഇയ്യത്തുല്‍ മുഅല്ലിമീന്‍ പ്രസിഡന്റ് മുഹമ്മദ് ഹനീഫ് ഫൈസി, എസ്.വൈ. എസ് വെസ്റ്റ് എളേരി പഞ്ചായത്ത് പ്രസിഡന്റ് എ.സി അബ്ദുള്‍ഖാദര്‍, മദ്‌സ മാനേജ്‌മെന്റ് അസോസിയേഷന്‍ ജനറല്‍ സെക്രട്ടറി എന്‍. സിദ്ധീഖ് ആമത്തല, മുന്‍ പി.ടി.എ പ്രസിഡന്റ് എ.വി അബ്ദുല്‍ ഖാദര്‍, വൈസ് പ്രിന്‍സിപ്പല്‍ കേശവന്‍ മാസ്റ്റര്‍, കെ.വി ശ്രീധരന്‍, എം. ലത, എല്‍.കെ ശൗക്കത്തലി കുന്നുംകൈ, റാഷിദ് മൗക്കോട് എന്നിവര്‍ സംബന്ധിച്ചു.