പള്ളിക്കല്‍: സര്‍വകലാശാലാ കാംപസിന് ചുറ്റും റിങ് റോഡ് വേണമെന്നാവശ്യം ശക്തമായ സാഹചര്യത്തില്‍ ആവശ്യമായ സ്ഥലം ലഭ്യമാക്കുന്നതിനെ സംബന്ധിച്ച് ആലോചിക്കുന്നതിനായി പള്ളിക്കല്‍, ചേലേമ്പ്ര, തേഞ്ഞിപ്പലം പഞ്ചായത്തുകളിലെ ജനപ്രതിനിധികളുടെയും രാഷ്ട്രീയപാര്‍ട്ടി പതിനിധികളുടെയും യോഗം സര്‍വകലാശാലാ പെന്‍ഷനേഴ്‌സ് ഫോറം ഓഫിസില്‍ നാളെ വൈകിട്ട് ആറിന് ചേരും. പി അബ്ദുല്‍ഹമീദ് മാസ്റ്റര്‍ എം.എല്‍.എ പങ്കെടുക്കും.