തലശ്ശേരി: സി.പി.എം പ്രവര്‍ത്തകനും ഓട്ടോ ഡ്രൈവറുമായ എരഞ്ഞോളിയിലെ കുണ്ടാഞ്ചേരി വീട്ടില്‍ ശ്രിജന്‍ബാബുവിനെ(43) വെട്ടിക്കൊലപ്പെടുത്താന്‍ ശ്രമിച്ച കേസില്‍ ഒരു ആര്‍.എസ്.എസ് പ്രവര്‍ത്തകന്‍ കൂടി അറസ്റ്റില്‍. പൊന്ന്യം പുലരി വായനശാലക്ക് സമീപം കുനിയില്‍ വീട്ടില്‍ സുമേഷിനെ(38)യാണ് കതിരൂര്‍ പൊലിസ് അറസ്റ്റ് ചെയ്തത്. തലശ്ശേരി അഡീഷണല്‍ ചീഫ് ജുഡീഷ്യല്‍ മജിസട്രേറ്റ് കോടതി പ്രതിയെ റിമാന്‍ഡ് ചെയ്തു. കേസില്‍ ആകെ 12 പ്രതികളാണെന്ന് അന്വേഷണ സംഘം തിരിച്ചറിഞ്ഞിരുന്നു. ഏഴ് പ്രതികള്‍ അറസ്റ്റിലായി. നായനാര്‍ റോഡില്‍ കഴിഞ്ഞ ജൂലൈ മൂന്നിന് ഉച്ചക്ക് രണ്ടരയോടെയാണ് ശ്രിജന്‍ബാബുവിന് വെട്ടേറ്റത്.