ന്യൂഡല്‍ഹി: വിമാനത്തിനുള്ളില്‍ പുകവലിക്കണമെന്നാവശ്യപ്പെട്ട് ബഹളമുണ്ടാക്കിയ യാത്രക്കാരനെയും കുടുംബത്തേയും വിമാനത്തില്‍ നിന്നും പുറത്താക്കി. അമൃത്സറില്‍നിന്ന് ഡല്‍ഹി വഴി കൊല്‍ക്കത്തയിലേക്ക് പോവുകയായിരുന്ന വിസ്താര എയര്‍ലൈന്‍സിന്റെ യു കെ 707 വിമാനത്തില്‍ വെള്ളിയാഴ്ചയാണ് സംഭവം. യാത്രക്കാരന്റെ ബഹളത്തെ തുടര്‍ന്ന് വിമാനം മൂന്ന് മണിക്കൂര്‍ വൈകിയാണ് പുറപ്പെട്ടത്.

വിമാനത്തിലിരുന്ന് ഇയാള്‍ പുകവലിക്കാന്‍ തുടങ്ങിയതോടെ ജീവനക്കാര്‍ ഇടപെട്ടു. ജീവനക്കാര്‍ ആവശ്യപ്പെട്ടിട്ടും ഇയാള്‍ വഴങ്ങാന്‍ തയ്യാറായില്ല. വിമാനം പറന്നുയരുന്നതിനു തൊട്ടു മുന്‍പേയായിരുന്നു സംഭവം. ഇതോടെ ഇയാളെയും കുടുംബത്തേയും വിമാനത്തില്‍ നിന്നും പുറത്താക്കുകയായിരുന്നു.