എടപ്പാള്‍: പിക്കപ്പ് ലോറിയില്‍ കൊണ്ട് പോകുകയായിരുന്ന പോത്ത് ലോറിയില്‍ നിന്നു ഇറങ്ങിയോടിയത് നാട്ടുകാരെ പരിഭ്രാന്തിയിലാഴ്ത്തി. ഇന്നലെ രാവിലെ പതിനൊന്നോടെ എടപ്പാള്‍ കുറ്റിപ്പുറം റോഡിലാണ്‌സംഭവം. പെരുമ്പിലാവ് ചന്തയില്‍ നിന്നു പോത്തുകളുമായി പോകുകയായിരുന്ന പിക്കപ്പ് ലോറി സിഗ്നലില്‍ പതുക്കെയായതോടെ ലോറിയിലുണ്ടായിരുന്ന പോത്ത് ഇറങ്ങിയോടുകയായിരുന്നു.
ലോറിയിലുണ്ടായിരുന്നവരും നാട്ടുകാരും ചേര്‍ന്ന് പോത്തിനെ പിടികൂടാനുള്ള ശ്രമം നടത്തി.
തുടര്‍ന്ന് ഒരു മണിക്കൂറിന് ശേഷം എടപ്പാള്‍-കുറ്റിപ്പുറം റോഡില്‍ ഗോവിന്ദ തീയേറ്ററിന് സമീപത്തുള്ള ഗ്രൗണ്ടില്‍വച്ച് പോത്തിനെ പിടികൂടുകയായിരുന്നു.