കൊല്ലം: വാഹനാപകടത്തില്‍ പരുക്കേറ്റ് ചികിത്സ കിട്ടാതെ തമിഴ്‌നാട് സ്വദേശി മുരുകന്‍ മരിച്ച സംഭവവുമായി ബന്ധപ്പെട്ട് കൊല്ലത്തെ സ്വകാര്യ ആശുപത്രികളില്‍ പരിശോധന നടത്തി. ആരോഗ്യവകുപ്പ് ഡയറക്ടറുടെ നേതൃത്വത്തിലാണ് പരിശോധന. ഡോക്ടര്‍മാരുടേയും ജീവനക്കാരുടേയും വിശദമായ മൊഴിയെടുത്തു. ഇതു സംബന്ധിച്ച് ആരോഗ്യവകുപ്പ് ഉടന്‍ തന്നെ റിപ്പോര്‍ട്ട് സമര്‍പ്പിക്കും.

അതേസമയം, മുരുകന്റെ മരണത്തില്‍ കുറ്റക്കാരായ ഒരാളെയും സര്‍ക്കാര്‍ സംരക്ഷിക്കില്ലെന്ന് ആരോഗ്യമന്ത്രി കെ.കെ. ശൈലജ തിരുവനന്തപുരത്ത് പറഞ്ഞു. മുരുകനെ കൊണ്ടുവരുമ്പോള്‍ തിരുവനന്തപുരം മെഡിക്കല്‍ കോളജില്‍ വെന്റിലേറ്റര്‍ ഇല്ലെന്നായിരുന്നു സൂപ്രണ്ട് പറഞ്ഞത്. ഇത് തെറ്റാണെങ്കില്‍ മെഡിക്കല്‍ കോളജിനെതിരെ നടപടി എടുക്കുമെന്നും മന്ത്രി വ്യക്തമാക്കി.