കോഴിക്കോട്: സിയസ്‌കോ മെറിറ്റ് ഈവനിംഗ് ആഗസ്ത് 13ന്. എസ്.എസ്.എല്‍.സി, പ്ലസ് ടു, വി.എച്ച്.എസ്.ഇ, സി.ബി.എസ്.സി, എന്‍ട്രന്‍സ് പരീക്ഷകളില്‍ ഉന്നതവിജയം നേടുന്ന വിദ്യാര്‍ഥികളെ അവാര്‍ഡ് നല്‍കി ആദരിക്കുന്ന ചടങ്ങ് ഉദ്ഘാടനം ചെയ്യുന്നത് പ്രശസ്ത ചരിത്രകാരനായ ഡോ. എം.ജി.എസ് നാരായണന്‍ ആണ്.

ആഗസ്ത് 13 ഞായറാഴ്ച വൈകീട്ട് 4.30നാണ് പരിപാടി. കുറ്റിച്ചിറ ഹൈസ്‌കൂള്‍ ഗ്രൗണ്ടില്‍ നടക്കുന്ന അവാര്‍ഡ് ദാന ചടങ്ങില്‍ കെ.പി രാമനുണ്ണി മുഖ്യാതിഥിയായി പങ്കെടുക്കുന്നു. അബൂബക്കര്‍ (പ്രിന്‍സിപ്പല്‍ ഹയര്‍ സെക്കന്‍ഡറി, കുറ്റിച്ചിറ ഗവണ്‍മെന്റ് ഹൈസ്‌കൂള്‍), കെ.വി കുഞ്ഞഹമ്മദ് (സെക്രട്ടറി, എം.എം ഹൈസ്‌കൂള്‍), പി.കെ അഹമ്മദ് ( പ്രസിഡന്റ്, ഹിമായത്തുല്‍ ഇസ്‌ലാം ഹൈസ്‌കൂള്‍), ഡോ. പി.പി അസ്സന്‍കോയ ( പ്രസിഡന്റ് കാലിക്കറ്റ് റോട്ടറി മിഡ്ടൗണ്‍) എന്നിവര്‍ പങ്കെടുക്കുന്നു.