മഞ്ചേരി: വിദ്യാഭ്യാസത്തില്‍ മതപഠനത്തിന് ഊന്നല്‍നല്‍കാന്‍ പുതിയ തലമുറ മുന്നോട്ടുവരണമെന്നു സമസ്ത ട്രഷറര്‍ സയ്യിദ് ജിഫ്രി മുത്തുക്കോയ തങ്ങള്‍. മഞ്ചേരി ജാമിഅ ഇസ്‌ലാമിയ്യയുടെ പുതിയ കെ.ജി ബ്ലോക്ക് ഉദ്ഘാടനം ചെയ്തു സംസാരിക്കുകയായിരുന്നു തങ്ങള്‍. മതവിദ്യാഭ്യാസമാണ് മനുഷ്യനെ ധാര്‍മികനിഷ്ഠയുള്ളവനാക്കുന്നതെന്നും നന്മയും തിന്മയും വേര്‍തിരിച്ചു ധര്‍മനിഷ്ഠ പഠിപ്പിക്കുന്നതു മതപഠനത്തിലൂടെയാണെന്നും തങ്ങള്‍ പറഞ്ഞു. എം.ടി നൗഷാദ് അധ്യക്ഷനായി. പ്രിന്‍സിപ്പല്‍ കെ. മുഹമ്മദ് നിയാസ്, വൈസ് പ്രിന്‍സിപ്പല്‍ നൗഫല്‍, കുഞ്ഞാപ്പുട്ടി ഹാജി, ഷാഹുല്‍ഹമീദ്, ഉമറുല്‍ ഫാറൂഖ് ഫൈസി, പി.ടി.എ പ്രസിഡന്റ് കുഞ്ഞാപ്പ, ഫാരിസ് ഫൈസി, വാപ്പു ഹാജി, എന്‍.കെ റഈസ്, പി. സമദ് മുസ്‌ലിയാര്‍, ഹൈദരലി, ജലീല്‍ പത്തപിരിയം, സുഹൈല്‍ ഹുദവി സംസാരിച്ചു.