പൂച്ചാക്കല്‍: തൈക്കാട്ടുശേരി ബ്ലോക്ക് പഞ്ചായത്ത് വൈസ് പ്രസിഡന്റായി സി.പി.ഐയിലെ രാജേഷ് രാമകൃഷ്ണന്‍ തെരഞ്ഞെടുക്കപ്പെട്ടു. എല്‍.ഡി.എഫിലെ മുന്‍ ധാരണപ്രകാരം സി.പി.എമ്മിലെ പി.ജി മുരളീധരന്‍ രാജിവച്ചതിനെ തുടര്‍ന്നാണ് തെരഞ്ഞെടുപ്പ്. ബ്ലോക്ക് പഞ്ചായത്തിന്റെ പള്ളിപ്പുറം പല്ലുവേലില്‍ ഡിവിഷനെ പ്രതിനിധീകരിക്കുന്ന രാജേഷ് സി.പി.ഐ തിരുനല്ലൂര്‍ ലോക്കല്‍ സെക്രട്ടറിയുമാണ്.
പൂച്ചാക്കല്‍: പാണാവള്ളി ഗ്രാമപഞ്ചായത്ത് പ്രസിഡന്റായി സി.പി.ഐയിലെ ഡോ. പ്രദീപ് കൂടയ്ക്കല്‍ തെരഞ്ഞെടുക്കപ്പെട്ടു. എല്‍.ഡി.എഫിലെ മുന്‍ ധാരണപ്രകാരം സി.പി.എമ്മിലെ രാജേഷ് വിവേകാനന്ദ രാജിവച്ചതിനെ തുടര്‍ന്നാണിത്.
പാണാവള്ളി ഏഴാം വാര്‍ഡ് അംഗമായ പ്രദീപ് ഹോമിയോ ഡോക്ടറും യുവകലാസാഹിതി ജില്ലാ പ്രസിഡന്റും സി.പി.ഐ അരൂര്‍ ഈസ്റ്റ് മണ്ഡലം സമിതി അംഗവും പാണാവള്ളി പഞ്ചായത്തിന്റെ മുന്‍ പ്രസിഡന്റുമാണ്.