വടക്കാഞ്ചേരി: ഭിന്നശേഷിയേയും ജീവിത പരിമിതികളേയും മറികടന്ന് മുന്നൂറോളം കുട്ടികള്‍ നടത്തിയ ക്രിസ്മസ് കരോള്‍ അത്താണിയ്ക്ക് ആഘോഷ നിമിഷങ്ങള്‍ സമ്മാനിച്ചു. പോപ്പ് പോള്‍ മേഴ്‌സി ഹോമിലെ കുട്ടികളും അധ്യാപകരുമാണ് പട്ടണത്തില്‍ പാപ്പാ സംഗമം നടത്തിയത്.
രാജാക്കന്മാരും ആട്ടിടയരും വൈവിധ്യ വേഷവിധാനവുമായി റാലിയില്‍ അണിനിരന്നു. ജെ.എം.ജെ സ്‌കൂള്‍ പരിസരത്ത് നിന്ന് ആരംഭിച്ച റാലി പോപ്പ് ജോണ്‍ പോള്‍ പീസ് ഹോമിലെത്തി സമാപിച്ചു. അത്താണി പള്ളി വികാരി ഫാ: ഫ്രാന്‍സീസ് നീലങ്കാവില്‍ ഉദ്ഘാടനം ചെയ്തു. ഡയരക്ടര്‍ ഫാ. ജോണ്‍സണ്‍ അന്തിക്കാട്ട് സന്ദേശം നല്‍കി. ഫാ. അനീഷ് ചിറ്റിലപ്പിള്ളി, തോമാസ് മാസ്റ്റര്‍, ജോണ്‍സണ്‍ പടുതല സംസാരിച്ചു.