ബെര്‍ലിന്‍: യു.എസ് പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവനയ്‌ക്കെതിരേ ജര്‍മന്‍ ചാന്‍സലര്‍ ആംഗെലാ മെര്‍ക്കല്‍. ഉത്തര കൊറിയക്കെതിരേ തീ കൊണ്ട് അഭിഷേകം നടത്തുമെന്ന പ്രസ്താവന തെറ്റായ ഫലമാണ് നല്‍കുകയെന്ന് മെര്‍ക്കല്‍ പറഞ്ഞു. പ്രശ്‌നം നയതന്ത്രതലത്തില്‍ പരിഹരിക്കണം. ഇത്തരം പ്രസ്താവനകള്‍ സംഘര്‍ഷം കൂട്ടാനേ ഉപകരിക്കൂവെന്നും അവര്‍ പറഞ്ഞു. ഉത്തര കൊറിയയില്‍ സൈനിക പരിഹാരം സാധ്യമല്ലെന്നും ബെര്‍ലിനില്‍ വാര്‍ത്താ സമ്മേളനത്തില്‍ അവര്‍ വ്യക്തമാക്കി.