തിരുവനന്തപുരം: മുസ്‌ലിം യൂത്ത് ലീഗ് യുവ ജന റാലിയുടെ സമാപന പരിപാടിയില്‍ സംബന്ധിക്കാനെത്തിയ യൂത്ത് ലീഗ് പ്രവര്‍ത്തകരെ പി.ഡി.പി പ്രവര്‍ത്തകര്‍ തടഞ്ഞതിനെത്തുടര്‍ന്ന് സംഘര്‍ഷം. തിരുവനന്തപുരം കണിയാപുരത്താണ് സംഭവം.

നാളെ നടക്കുന്ന യുവജന മാര്‍ച്ചിനായി മലപ്പുറത്ത് നിന്നെത്തിയ യൂത്ത് ലീഗ് പ്രവര്‍ത്തകരും പി.ഡി.പിക്കാരും തമ്മിലാണ് സംഘര്‍ഷമുണ്ടായത്.

മഅ്ദനിക്കെതിരായ പി.കെ ഫിറോസിന്റെ പരാമര്‍ശത്തെച്ചൊല്ലിയാണ് പി.ഡി.പി പ്രവര്‍ത്തകര്‍ യൂത്ത് ലീഗ് പ്രവര്‍ത്തകരെ തടഞ്ഞത്. സംഘര്‍ഷത്തിന്റെ വിഡിയോ സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്.

യൂത്ത് ലീഗ് പ്രവര്‍ത്തകര്‍ സഞ്ചരിച്ച വാഹനം തടയുന്നതും എല്ലാവരെയും പുറത്തിറക്കുന്നതും വീഡിയോയില്‍ കാണാം. തുടര്‍ന്ന് ഇരുവിഭാഗവും തമ്മില്‍ സംഘര്‍ഷമുണ്ടായി.