കണ്ണൂര്‍: സര്‍വകലാശാല യൂനിയനിലേക്ക് നടന്ന തെരഞ്ഞെടുപ്പില്‍ എസ്.എഫ്.ഐക്ക് വിജയം. തെരഞ്ഞെടുപ്പ് നടന്ന എല്ലാ സീറ്റിലും എസ്.എഫ്.ഐ വിജയിച്ചു. പോള്‍ ചെയ്ത 104ല്‍ 83 വോട്ടുകള്‍ നേടി. എസ്.എഫ്.ഐ ജില്ലാ ജോയിന്റ് സെക്രട്ടറിയും മാങ്ങാട്ടുപറമ്പ് ക്യാംപസിലെ ജേണലിസം വിദ്യാര്‍ഥിയുമായ സി.പി ഷിജുവാണ് ചെയര്‍മാന്‍.
എസ്.എഫ്.ഐ കാസര്‍കോട് ജില്ലാ ജോയിന്റ് സെക്രട്ടറിയും നീലേശ്വരം പി.കെ രാജന്‍ മെമ്മോറിയല്‍ ക്യാംപസിലെ എം.ബി.എ വിദ്യാര്‍ഥി ശ്രീജിത്ത് രവീന്ദ്രനാണ് ജനറല്‍ സെക്രട്ടറി. എം.എസ് അമല്‍(വൈസ് ചെയര്‍., ഇരിട്ടി ഐ.എച്ച്.ആര്‍.ഡി കോളജ്), കെ. അനുശ്രീ(ലേഡി വൈസ് ചെയര്‍., ബ്രണ്ണന്‍ കോളജ്),   ബിപിന്‍ രാജ്(ജോ. സെക്ര., കാസര്‍കോട് സെന്റ് പയസ് കോളജ്), എം.എസ് അരവിന്ദ്(വയനാട് ജില്ലാ എക്‌സി., മാനന്തവാടി ക്യാംപസ്), പി. അശ്വതി( കണ്ണൂര്‍ ജില്ലാ എക്‌സി., പയ്യന്നൂര്‍ കോളജ്), ടി. ഐശ്വര്യ(കാസര്‍കോട് ജില്ലാ എക്‌സി., മടിക്കൈ മോഡല്‍ കോളജ്).