തലശ്ശേരി: ഒന്‍പതു വയസുകാരിയെ പീഡിപ്പിച്ച മധ്യവയസ്‌കനെ ധര്‍മടം പൊലിസ് അറസ്റ്റുചെയ്തു. പ്രതിക്കെതിരേ പോക്‌സോ നിയമപ്രകാരം കേസെടുത്തു. ഓട്ടോ ഡ്രൈവര്‍ ധര്‍മടം മേലൂരിലെ എഴുത്ത്പള്ളിയില്‍ വീട്ടില്‍ പി. സുനില്‍കുമാറിനെയാണ് അറസ്റ്റുചെയ്തത്. പ്രതിയെ ജില്ലാ സെഷന്‍സ് കോടതി റിമാന്‍ഡ് ചെയ്തു. സുനില്‍കുമാറിന്റെ ടാക്‌സിയില്‍ സ്‌കൂളിലേക്കു പോയ പെണ്‍കുട്ടിയെ വ്യാഴാഴ്ച പീഡിപ്പിച്ചെന്നാണു പരാതി. സ്‌കൂള്‍ വിട്ട് വന്നപ്പോള്‍ വീട്ടുകാരോടു പെണ്‍കുട്ടി സംഭവം പറയുകയായിരുന്നു. തുടര്‍ന്നു രക്ഷിതാവ്    പൊലിസില്‍ വിവരം അറിയിച്ചു. പ്രതിയെ ഇന്നലെ പുലര്‍ച്ചെ വീട്ടിലെത്തി കസ്റ്റഡിയില്‍ എടുക്കുകയായിരുന്നു. കണ്ണൂര്‍ വനിതാ സെല്‍ എസ്.ഐ സുധ പീഡനത്തിനിരയായ പെണ്‍കുട്ടിയുടെ മൊഴിയെടുത്തു.