കോട്ടയം: ലൈഫ് ഭവന പദ്ധതിയുടെ പേരില്‍ അര്‍ഹര്‍ക്ക് വീട് നിഷേധിക്കുന്ന ഇടത് സര്‍ക്കാര്‍ നടപടിയില്‍ പ്രതിഷേധിച്ച് ജില്ലയില്‍ പഞ്ചായത്ത് തലങ്ങളില്‍ 18ന് സമര സായാഹ്നം സംഘടിപ്പിക്കുവാന്‍ യൂത്ത് ലീഗ് നേതൃയോഗം തീരുമാനിച്ചു. ലാ കോണ്‍വിവന്‍സിയ കാംപയിനിന്റെ ഭാഗമായി ആഗസ്റ്റ് 15ന് ശാഖാ തലങ്ങളില്‍ യൂനിറ്റി ഡേ സംഘടിപ്പിക്കും. ജില്ലാ ലീഗ് ഹൗസില്‍ ചേര്‍ന്ന യോഗത്തില്‍ പ്രസിഡന്റ് കെ.എ മാഹിന്‍ അധ്യക്ഷനായി. ജന. സെക്രട്ടറി അജി കൊറ്റമ്പടം, ട്രഷറര്‍ ഷമീര്‍ തലനാട്, ഭാരവാഹികളായ സാജിദ് എ.ബി.സി, അബ്‌സാര്‍ മുരിക്കോലി, ഫസല്‍ മാടത്താനി, സുനില്‍ മഠത്തില്‍, സ്വലാഹുദ്ധീന്‍, അന്‍സാരി കോട്ടയം, മാഹിന്‍ കടുവാമുഴി, മുജീബ് റഹ്മാന്‍, ഹബീബുല്ല പാല, അഷ്‌റഫ് ഷൈനു, ഹാരിഷ് എം.എസ് ചര്‍ച്ചയില്‍ പങ്കെടുത്തു.