കോട്ടയം: ഹരിത കേരള മിഷന്‍ പദ്ധതിയുടെ ഭാഗമായി സാക്ഷരതാ മിഷന്‍ നടത്തി വരുന്ന പരിസ്ഥിതി സാക്ഷരത സര്‍വേ 20 മുതല്‍ 24 വരെ നടക്കും. സാക്ഷരതാ തുടര്‍വിദ്യാകേന്ദ്രങ്ങള്‍ സ്ഥിതി ചെയ്യുന്ന ഗ്രാമ പഞ്ചായത്ത് വാര്‍ഡുകളിലാണ് ആദ്യഘട്ടത്തില്‍ സര്‍വേ നടക്കുക. സര്‍വേ പ്രവര്‍ത്തനങ്ങളുമായി ബന്ധപ്പെട്ട് സാക്ഷരത തുടര്‍ വിദ്യാകേന്ദ്രങ്ങള്‍ സ്ഥിതി ചെയ്യുന്ന വാര്‍ഡുകളിലെ ഗ്രാമ പഞ്ചായത്ത് അംഗങ്ങള്‍ക്കും സാക്ഷരതാ പ്രേരക്മാര്‍ക്കും വേണ്ടിയുള്ള ശില്‍പശാല 14 രാവിലെ 10ന്  ജില്ലാപഞ്ചായത്ത് ഹാളില്‍ നടക്കും. ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി ശില്‍പശാല ഉദ്ഘാടനം ചെയ്യും. 9.30ന് രജിസ്‌ട്രേഷന്‍ ആരംഭിക്കും.