കോഴിക്കോട്: സുന്നി യുവജനസംഘം സംസ്ഥാന കമ്മിറ്റിയുടെ നേതൃത്വത്തില്‍ സന്നദ്ധ സേവനരംഗത്തു പ്രവര്‍ത്തിക്കുന്ന ആമിലയുടെ സംസ്ഥാനതല സമര്‍പ്പണ സംഗമം അടുത്തമാസം 12 ന് പട്ടിക്കാട് ജാമിഅ നൂരിയ്യയില്‍ നടക്കും.

രാവിലെ ഒന്‍പത് മുതല്‍ വൈകിട്ട് അഞ്ചു മണിവരെയാണ് പരിപാടി. ക്യാംപുകളില്‍ പങ്കെടുത്ത് പരിശീലനം നേടിയ സംസ്ഥാനത്തെ രണ്ടായിരത്തിലേറെ അംഗങ്ങള്‍ക്ക് സര്‍ട്ടിഫിക്കറ്റും സ്ഥാനവസ്ത്രവും വിതരണം ചെയ്യും.

സംസ്ഥാന പ്ലാനിങ് സമിതി യോഗത്തില്‍ സംസ്ഥാന റഈസ് നാസര്‍ ഫൈസി കൂടത്തായി അധ്യക്ഷനായി. മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു.
ഹംസ റഹ്മാനി കൊണ്ടിപ്പറമ്പ് വിഷയാവതരണം നടത്തി. വിവിധ ജില്ലകളെ പ്രതിനിധീകരിച്ച് കെ.ഇ മുഹമ്മദ് മുസ്‌ലിയാര്‍ ഇടുക്കി, സാലൂദ് നിസാമി കാസര്‍കോട്, ഇബ്‌റാഹിം ബാഖവി, സിദ്ദീഖ് ഫൈസി കണ്ണൂര്‍, ഉസ്മാന്‍ ദാരിമി പന്തിപ്പൊയില്‍, അബൂബക്കര്‍ മുസ്‌ലിയാര്‍ പാലക്കാട്, മുസ്തഫ മുണ്ടുപാറ ചര്‍ച്ചയില്‍ പങ്കെടുത്തു. കണ്‍വീനര്‍ സലിം എടക്കര സ്വാഗതം പറഞ്ഞു.