സുല്‍ത്താന്‍ ബത്തേരി: വിദ്യാര്‍ഥികള്‍ക്കുള്‍പ്പെടെ പാന്‍മസാല വില്‍ക്കുന്ന യുവാക്കള്‍ പിടിയില്‍. സുല്‍ത്താന്‍ ബത്തേരി ടൗണിലും പരിസര പ്രദേശങ്ങളിലും ഹാന്‍സും മറ്റു പാന്‍മസാല ഉല്‍പന്നങ്ങളും വില്‍പന നടത്തിവന്നിരുന്ന സുല്‍ത്താന്‍ ബത്തേരി മൂപ്പന്റെ പറമ്പത്ത് വീട്ടില്‍ ഇസ്ഹാഖ് (32), കുപ്പാടി ആലുങ്കല്‍ വീട്ടില്‍ എ.എ മുജീബ് (34) എന്നിവരെയാണ് സുല്‍ത്താന്‍ ബത്തേരി എക്‌സൈസ് ഇന്‍സ്‌പെക്ടര്‍ ടി. ഷറഫുദ്ദീനും സംഘവും അറസ്റ്റ് ചെയ്തത്.  ഇസ്ഹാഖിനെ സുല്‍ത്താന്‍ ബത്തേരി പഴയ ബസ് സ്റ്റാന്‍ഡില്‍ പ്രവര്‍ത്തിക്കുന്ന കടയില്‍ നിന്നും മുജീബിനെ മൂലങ്കാവിലെ കടയില്‍ നിന്നുമാണ് പിടികൂടിയത്. ഇരുവരുടെയും കടകളില്‍ നടത്തിയ പരിശോധനകളില്‍ നിരവധി പാന്‍മസാല ഉല്‍പന്നങ്ങളും പിടികൂടി.