ലണ്ടന്‍: ലോക അത്‌ലറ്റിക് ചാംപ്യന്‍ഷിപ്പിന് ഇന്ന് തിരശ്ശീല വീഴാനിരിക്കേ ഒളിംപിക്‌സിലെന്ന പോലെ ലോക അത്‌ലറ്റിക് ചാംപ്യന്‍ഷിപ്പിലും കിരീട നേട്ടം സ്വന്തമാക്കാനൊരുങ്ങു അമേരിക്ക. എട്ട് സ്വര്‍ണവും എട്ട് വെള്ളിയും ഏഴ് വെങ്കലവും ഉള്‍പ്പെടെ 23 മെഡലുകളുമായി അമേരിക്ക കിരീടത്തിലേക്ക് കുതിക്കുന്നു.
മൂന്ന് സ്വര്‍ണവും ഒരു വെള്ളിയും നാല് വെങ്കലവുമായി കെനിയ രണ്ടാമതും രണ്ട് സ്വര്‍ണവും രണ്ട് വെള്ളിയും രണ്ട് വെങ്കലവുമായി പോളണ്ട് മൂന്നാം സ്ഥാനത്തും നില്‍ക്കുന്നു. രണ്ട് സ്വര്‍ണവും ഒരു വെള്ളിയും രണ്ട് വെങ്കലവുമായി ദക്ഷിണാഫ്രിക്ക നാലാം സ്ഥാനത്ത്. ചൈന, എത്യോപ്യ, ബഹ്‌റൈന്‍, തുര്‍ക്കി, ഹോളണ്ട്, വെനെസ്വല, ജമൈക്ക, ഫ്രാന്‍സ്, നോര്‍വെ, ബെല്‍ജിയം, ഗ്രീസ്, ചെക്ക് റിപ്പബ്ലിക്ക്, ബ്രിട്ടന്‍, ന്യൂസിലന്‍ഡ്, ലിത്വാനിയ എന്നിവര്‍ക്ക് ഓരോ സ്വര്‍ണം.